| Rev. Dr. C. Duh Kam ( Church Pastor) |
 March 2005 in CBMC pastor rianttuan ka thok. Thlarau lei lawng si lo in, ni fa tin nunnak ah a herhmi kong ah kan khrihfabu chungtel hna kha ka bawmh hna. Khrihfabu hi Khrih Thawngttha in a nunkhawh nak ding kha biapi ah ka chiah. Mission rianttuannak hi khrihfabu nunnak ah thazang a si. Mission rian hi project pakhat bantuk in ttuan si lo in, a thlarau in chungtel dihlak nih kan i nunpi a hau. Khrih ram kauhnak caah ttuan duhnak kan ngeih tik le Pathian bia in kan nun tikah Khrihfabu hi lam tampi in a tthang kho. Abik in, peknak thawhlawm in a tthang. Khrih bia bantuk in, kan chaw a umnak ah kan thinlung zong a um ve caah zumhnak lei in kan tthannak kha theitlai hmuh khawh a si. |
 |
| Pu Tial Hu (Social Worker) |
 Pu Tial Hu a si. Salai Van Tu ti zongin mi tampi nihcun an theih. Amah hi CBMC dir ka tein a rak i tel i, Khrihfa Upa zong saupi a rak tuan balmi a si. A tu hi CBMC nih hmunkip kakip in a rak phan mi hawikom, miphun hawi hna caah mi bawmtu si dingin Social Worker rian filltime in an tuan termi asi. A rian tuannak cungah fel tein le mi harsa hna caah zumh awk tlak tein a kan tuan piak caah a cungah kan lunglawmhnak kan chim. Hmailei caan zongah hi bantuk Pathian ttihzah le miphun dawtnak he a ttuan peng khawhnak lai Thlacam piak hna usih. |
|
| Pu Siang Dun (Accountant) |
 Khrifa buu caah santlai dingmi fimthiamnak le theihhngalhnak a ka petu Pathian ka thangtthat. Pathian nih a ka pek mi thluachuah hman khawhnak hmunhma le caan ttha a ka sersiam piaktu Chin Baptist Mission Church (CBMC) cung ah lawmhnak ka chim duh.
CBMC Khrifa Buu cu US Cozah nih a ngeih mi Non-Profit Organization phung tang ah phung tling te in sermi le a ummi a si. Cu caah Accountant nih a tanglei rian hna hi ttuan le tuah an si.
- Employee’s Payrolls (Monthly)
- Employee’s Quarterly Federal Tax Return (Quarterly)
- Return of Organization Exempt from Income Tax (Annually)
Siang Dun (MSAC)
Accountant
Chin Baptist Mission Church |
|
| Tv. Jonah (Hlahruai ) |
 Keimah ka min cu Jonah ka si, (Jonah In Hmai). CBMC Krihfabu ah 2008 May thla in rian tuan ka thok. Pathian dawtnak thawng in nitin te nundamnak ka hmu, A velngeinak hi ka cungah a dong ballo ti hi fiang tein ka hngalh. Cu caah ka si khawh tawk in Amah rian tuan ve ding ah kaa tim. Cun Amah sunparnak hi hla/hlasaknak in langhter chin lengmang Kaa zuam lai.
|
|
| Kh.T.Tluang Hei ( Websmaster) |
 Keimah Ka min Cu Kh.T.Tluang Hei ka si. Chin Baptist Mission Church ah website lei ttuanvo ka tlai. Tv. Cung Lian Thang nih a ka bawmh. Kan website cu cawnnak um lo in le, mah zuamnak sawh in tuahmi a si caah nan ruah ningtluk a si lai lo nain zohtlak ding cun kan i zuam peng ve. Pathian tu nih hung kan um pi peng seh.
Keimah cu 2005 December thla ah USA ka phan i CBMC ah chungtel sinak ka lak colh. Kan nih CBMC hi Pathian thlarau lei lawng si loin kan miphun ca riantuannak zong fak piin a tantmi a si caah CBMC chungtel pakhat ka rak si i keimah lunghmuih cu ka rak i hmuih ngai ve.
_______________________________________________ |
.gif){kind=logo}
