Nihin cu Bawipa nih a sermi ni le caan a si. I lawm usih. I nuam usih. Vancung khua i a ummi dawtu kan Pathian nih a Fapa Jesuh Khrih in daihnak a kan pek. Pathian cu cawnglawmh le thangtthat awk tlak Pathian a si. Pathian nih a kan pek mi thluachuah vialte hmuh tikah A sin ah lawmhnak chim hi a za cang ti a um kho bal lai lo. Pakhat le pakhat zawnruahnak le dawtnak he kan i pehtlaih long si lo in, Pathian nih a dawtmi chungkharpi he a dawtnak in a kan pehtlaihter mi kan si.>>>Read More >>>
Laica Cawnnak : Kumkhat voikhat tuahmi, CBMC Church School department hruainak in tuahmi Hngakchia Laica cawnnak cu, August 03, 2010 in August 08, 2010 tiang Laurel sang biakinn ah tuah a si. Hngakchia 100 helhuam an kai kho. Zing 8:00 am in zaanlei 4:00pm tiang peng an tuah. Laica lawng si loin Lai nunphung le ramhla cawnnak te hna an tuah chih. CBMC khrihfa bu chung lawng si loin CBC khrihfabu hna zongin an i tel. Laica cawnnak kongah Lg.Bawi Tha Par nih a chimmi cu, “A luancia caan ka hngakchia lio tein Laica cawnnak ah Laica an rak ka chimh ruangah a tu zong keimah lila Laica chim kho tu ka si nak a si” a ti. Laica cawnnak an tuah ruangah, miring ram I a thangmi kan fale hna nih Laica tha tein an rel khawh lai, Laihla an uarnak te hna hi a si. >>>View Gallery >>>
**CBMC Literature Comittee nih Laica cawnnak Lawmhpinak tiin, Mimmei Cazual an chuah i rel a duhmi nih HIKA ah rel khawh a si.
Chicago ah Mission Trip :CBMC Khrihfabu chungin chungtel Lg. Bawi Tha Par cu university a kainak Liberty University ( Baptist Khrihfa University asi ) nih Mission Trip an ngei i, cu ah cun Chicago kal dingin an thim ve. An mission trip cu Chicago,Thailand,Brazil,India,Italy,
Jamaica,Costa Rica,Zambia,Tanzania ah an si. An nih Chicago kal ding team hi minung 25 an si i amah lawng mirang a si lomi a si. Chicago hrawng i a ummi Minak pawl Pathian lomi hna sin ah pathian bia an va chimh hna. An inn pawngkam an va thianh piak hna. Lamkam i a vaivuanmi hngakchia tete sin ah Pathian bia an chimh hna. US ram hi khrihfa tamnak ram kan ti ko nain mi tampi cu Pathian thei bal lomi an tam tuk. Lamkam ah si an zu hna, sualnak phunphun an tuah hna. Lg. Bawi Tha Par nih a chimmi cu, “Kan pawngkam te ahhin mission rian tuan ding a rak tamtuk. Biatak te in kan nih Laimi zonghi kan Pawngkam ummi miring hna sin ah mission rian kan tuan a hau” a ti. >>>Read More>>>
a si. Hngakchia 100 helhuam an kai kho. Zing 8:00 am in zaanlei 4:00pm tiang peng an tuah. Laica lawng si loin Lai nunphung le ramhla cawnnak te hna an tuah chih. CBMC khrihfa bu chung lawng si loin CBC khrihfabu hna zongin an i tel. Laica cawnnak kongah Lg.Bawi Tha Par nih a chimmi cu, “A luancia caan ka hngakchia lio tein Laica cawnnak ah Laica an rak ka chimh ruangah a tu zong keimah lila Laica chim kho tu ka si nak a si” a ti. Laica cawnnak an tuah ruangah, miring ram I a thangmi kan fale hna nih Laica tha tein an rel khawh lai, Laihla an uarnak te hna hi a si.
/Fatherdayphungchim.jpg)
